ਕਾਰ ‘ਚ ਦੋ ਬੱਚਿਆਂ ਦੀ ਲਾਸ਼ ਲੈ ਕੇ ਮਹੀਨਿਆਂ ਤੱਕ ਘੁੰਮਦੀ ਰਹੀ ਔਰਤ, ਟ੍ਰੈਫਿਕ ਜਾਂਚ ‘ਚ ਹੋਇਆ ਖੁਲਾਸਾ

0
98

ਵਾਸ਼ਿੰਗਟਨ (TLT) ਅਮਰੀਕਾ ਵਿੱਚ ਇੱਕ ਭਿਆਨਕ ਮਾਮਲਾ ਸਾਹਮਣੇ ਆਇਆ ਹੈ। ਯੂਐਸ ਪੁਲਿਸ ਨੇ ਇੱਕ ਕਾਰ ਦੀ ਡਿੱਕੀ ਵਿੱਚ ਆਪਣੇ ਭਤੀਜੇ ਅਤੇ ਭਤੀਜੀ ਦੀਆਂ ਲਾਸ਼ਾਂ ਲਿਜਾ ਰਹੀ ਇੱਕ ਔਰਤ ਨੂੰ ਗ੍ਰਿਫਤਾਰ ਕੀਤਾ ਹੈ। ਪੁਲਿਸ ਦੇ ਅਨੁਸਾਰ ਨਿਯਮਤ ਟ੍ਰੈਫਿਕ ਚੈਕਿੰਗ ਦੇ ਦੌਰਾਨ ਇਹ ਮਾਮਲਾ ਸਾਹਮਣੇ ਆਇਆ।

ਅਮਰੀਕਾ ਦੇ ਬਾਲਟਿਮੋਰ ਦੀ ਰਹਿਣ ਵਾਲੀ ਨਿਕੋਲ ਜੌਨਸਨ ‘ਤੇ ਚਾਈਲਡ ਅਬਿਊਜ਼, ਸੱਤ ਸਾਲਾ ਲੜਕੀ ਅਤੇ ਪੰਜ ਸਾਲ ਦੇ ਲੜਕੇ ਦੇ ਕਤਲ ਸਮੇਤ ਕਈ ਦੋਸ਼ ਲੱਗੇ ਹਨ। ਬਾਲਟਿਮੋਰ ਸਨ ਅਖ਼ਬਾਰ ਦੇ ਅਨੁਸਾਰ, 33 ਸਾਲਾ ਨਿਕੋਲ ਨੇ ਪਿਛਲੇ ਸਾਲ ਮਈ ਵਿੱਚ ਆਪਣੀ ਭਤੀਜੀ ਦੀ ਲਾਸ਼ ਨੂੰ ਇੱਕ ਸੂਟਕੇਸ ਵਿੱਚ ਟਰੰਕ ਵਿੱਚ ਰੱਖਿਆ ਸੀ ਅਤੇ ਇਸ ਤੋਂ ਬਾਅਦ ਉਸਨੇ ਕਾਰ ਦੀ ਆਮ ਵਰਤੋਂ ਜਾਰੀ ਰੱਖੀ। ਅਖ਼ਬਾਰ ਦੇ ਅਨੁਸਾਰ, ਇੱਕ ਸਾਲ ਬਾਅਦ, ਉਸਨੇ ਲੜਕੇ ਦੀ ਲਾਸ਼ ਨੂੰ ਆਪਣੀ ਭੈਣ ਦੀ ਸੜੀ ਹੋਈ ਲਾਸ਼ ਦੇ ਕੋਲ ਰੱਖਿਆ, ਜੋ ਇੱਕ ਪਲਾਸਟਿਕ ਬੈਗ ਨਾਲ ਕਵਰ ਕੀਤੀ ਹੋਈ ਸੀ। 

ਪੁਲਿਸ ਨੇ ਨਿਕੋਲ ਨੂੰ ਤੇਜ਼ ਰਫਤਾਰ ਨਾਲ ਕਾਰ ਚਲਾਉਣ ਤੋਂ ਰੋਕਿਆ ਅਤੇ ਕਾਰ ਨੂੰ ਜ਼ਬਤ ਕਰਨ ਦਾ ਫੈਸਲਾ ਕੀਤਾ ਕਿਉਂਕਿ ਉਸ ਕੋਲ ਕਾਰ ਦੇ ਸਹੀ ਡਾਕਿਊਮੈਂਟ ਨਹੀਂ ਸਨ। ਅਖ਼ਬਾਰ ਦੇ ਅਨੁਸਾਰ, ਇੱਕ ਅਧਿਕਾਰੀ ਨੇ ਜੌਨਸਨ ਨੂੰ ਦੱਸਿਆ ਕਿ ਕਾਰ ਜ਼ਬਤ ਕੀਤੀ ਜਾ ਰਹੀ ਹੈ, ਫਿਰ ਉਸਨੇ ਜਵਾਬ ਦਿੱਤਾ “ਇਹ ਠੀਕ ਹੈ, ਮੈਂ ਪੰਜ ਦਿਨਾਂ ਵਿੱਚ ਇੱਥੇ ਨਹੀਂ ਰਹਾਂਗੀ।” ਪੁਲਿਸ ਰਿਪੋਰਟ ਦਾ ਹਵਾਲਾ ਦਿੰਦੇ ਹੋਏ ਅਖ਼ਬਾਰ ਨੇ ਕਿਹਾ, “ਤੁਸੀਂ ਸਾਰੇ ਮੇਰੇ ਵੱਡੇ ਡੈਬਿਊ ਦੀ ਨਿਊਜ਼ ਵੇਖਣ ਜਾ ਰਹੇ ਹੈ।”

ਜੌਨਸਨ ਨੇ ਦੱਸਿਆ ਕਿ 2019 ਵਿੱਚ ਉਸਦੀ ਭੈਣ ਨੇ ਦੋਵਾਂ ਬੱਚਿਆਂ ਨੂੰ ਦੇਖਭਾਲ ਲਈ ਉਸਦੇ ਹਵਾਲੇ ਕਰ ਦਿੱਤਾ ਸੀ। ਜੌਹਨਸਨ ਨੇ ਪੁੱਛਗਿੱਛ ਦੌਰਾਨ ਮੰਨਿਆ ਕਿ ਉਸਨੇ ਆਪਣੀ ਭਾਣਜੀ ਨੂੰ ਕਈ ਵਾਰ ਕੁੱਟਿਆ ਸੀ ਅਤੇ ਲੜਕੀ ਦਾ ਸਿਰ ਫਰਸ਼ ਨਾਲ ਟਕਰਾਉਣ ਤੋਂ ਬਾਅਦ ਮੌਤ ਹੋ ਗਈ। ਹਾਲਾਂਕਿ, ਜੌਨਸਨ ਨੇ ਇਹ ਨਹੀਂ ਦੱਸਿਆ ਕਿ ਲੜਕੇ ਦੀ ਮੌਤ ਕਿਵੇਂ ਹੋਈ।