ਕੁਝ ਘੰਟਿਆਂ ਵਿੱਚ ਨਿਪਟਾ ਲਿਓ ਬੈਂਕਾਂ ਨਾਲ ਜੁੜੇ ਅਹਿਮ ਕੰਮ, ਅਗਲੇ ਹਫਤੇ ਲੰਬੇ ਸਮੇਂ ਤਕ ਬੰਦ ਰਹਿਣਗੇ ਬੈਂਕ

0
111

ਨਵੀਂ ਦਿੱਲੀ (TLT) ਕੀ ਤੁਹਾਡਾ ਵੀ ਬੈਂਕਾਂ ਨਾਲ ਜੁੜਿਆ ਕੋਈ ਜ਼ਰੂਰੀ ਰਹੀ ਤਾਂ ਨਹੀਂ ਗਿਆ? ਜੇ ਤੁਸੀਂ ਬੈਂਕ ਨਾਲ ਜੁੜੇ ਕੰਮ ਨਾਲ ਨਜਿੱਠਣਾ ਚਾਹੁੰਦੇ ਹੋ, ਤਾਂ ਇਸ ਨੂੰ ਅੱਜ ਹੀ ਪੂਰਾ ਕਰ ਲਿਓ। ਤੁਹਾਡੇ ਕੋਲ ਅੱਜ ਸਿਰਫ ਮੌਕਾ ਹੈ। ਕੱਲ ਯਾਨੀ 27 ਮਾਰਚ ਤੋਂ ਅਗਲੇ 10 ਦਿਨਾਂ ਲਈ ਬੈਂਕ ਦਾ ਕੰਮਕਾਜ ਬੇਹੱਦ ਪ੍ਰਭਾਵਿਤ ਰਹਿਣ ਵਾਲਾ ਹੋਵੇਗਾ।

ਜੇ ਤੁਸੀਂ ਅੱਜ ਕੰਮ ਪੂਰਾ ਨਹੀਂ ਕਰਦੇ, ਤਾਂ ਤੁਹਾਨੂੰ ਅਗਲੇ 10 ਦਿਨਾਂ ਲਈ ਇਸ ਨੂੰ ਟਾਲਣਾ ਪੈ ਸਕਦਾ ਹੈ। ਤੁਹਾਡੀ ਜਾਣਕਾਰੀ ਲਈ ਦੱਸ ਦਈਏ ਕਿ 27 ਮਾਰਚ ਤੋਂ 4 ਅਪਰੈਲ 2021 ਦੇ ਵਿਚਕਾਰ ਬੈਂਕ ਸਿਰਫ ਦੋ ਦਿਨਾਂ ਲਈ ਖੁੱਲ੍ਹੇ ਰਹਿਣਗੇ। ਇਸ ਲਈ, ਇਹ ਸਲਾਹ ਦਿੱਤੀ ਜਾ ਰਹੀ ਹੈ। ਵਿੱਤੀ ਸਾਲ ਦੀ ਸਮਾਪਤੀ ਲਈ ਸਿਰਫ 4 ਦਿਨ ਬਾਕੀ ਹਨ, ਪਰ ਬੈਂਕਾ ਦੇ ਕੰਮ ਨਿਪਟਾਉਣ ਦਾ ਸਿਰਫ ਅੱਜ ਦਾ ਮੌਕਾ ਹੈ। ਫਿਰ ਬੈਂਕ ਬੰਦ ਰਹਿਣਗੇ।

ਜਿਵੇਂ ਕਿ ਤੁਸੀਂ ਜਾਣਦੇ ਹੋ, ਦੇਸ਼ ‘ਚ ਦੂਜੇ ਅਤੇ ਆਖਰੀ ਸ਼ਨੀਵਾਰ ਬੈਂਕ ਬੰਦ ਹਨ। 27 ਮਾਰਚ ਨੂੰ ਸ਼ਨੀਵਾਰ ਹੈ ਫਿਰ 28 ਨੂੰ ਐਤਵਾਰ ਹੈ ਅਤੇ ਇਸ ਦਿਨ ਇੱਕ ਹਫਤਾਵਾਰੀ ਛੁੱਟੀ ਹੈ। ਇਸ ਤੋਂ ਬਾਅਦ ਸੋਮਵਾਰ ਨੂੰ ਹੋਲੀ ਹੈ। ਹੋਲੀ ਤੋਂ ਬਾਅਦ 31 ਮਾਰਚ ਨੂੰ ਕਲੋਜ਼ਿੰਗ ਹੋਣ ਕਾਰਨ ਕੰਮ ਪ੍ਰਭਾਵਿਤ ਹੋਏਗਾ। ਇਹ ਕਿਹਾ ਜਾ ਰਿਹਾ ਹੈ ਕਿ ਗਾਹਕਾਂ ਦਾ ਕੰਮ ਉਸ ਦਿਨ ਕੀਤੇ ਜਾਣ ਦੀ ਸੰਭਾਵਨਾ ਨਹੀਂ ਹੈ।

ਅੱਗੇ 1 ਅਪਰੈਲ ਨੂੰ ਬੈਂਕਾਂ ਦੇ ਆਡਿਟ ਕਾਰਨ ਬੈਂਕ ਸੇਵਾਵਾਂ ਪ੍ਰਭਾਵਿਤ ਹੋਣਗੀਆਂ। 2 ਅਪਰੈਲ ਨੂੰ ਗੁੱਡ ਫਰਾਈਡੇ ਦੀ ਛੁੱਟੀ ਹੈ। ਇਸ ਤੋਂ ਬਾਅਦ 3 ਅਪਰੈਲ, 2021 ਨੂੰ ਸਾਰੇ ਬੈਂਕ ਖੁੱਲੇ ਹੋਣਗੇ, ਪਰ 4 ਅਪਰੈਲ ਨੂੰ ਐਤਵਾਰ ਹੈ। ਜਿਸ ਤੋਂ ਬਾਅਦ ਬੈਂਕਾਂ ਦਾ ਆਮ ਕੰਮਕਾਜ 5 ਅਪਰੈਲ ਤੋਂ ਸ਼ੁਰੂ ਹੋਵੇਗਾ।