ਸੰਯੁਕਤ ਰਾਜ ਨੇ ਘਟਾਇਆ ਇਕਾਂਤਵਾਸ ਦਾ ਸਮਾਂ, ਕੈਨੇਡਾ ‘ਚ ਵੀ ਲੋਕ ਸਵਾਲ ਕਰ ਰਹੇ ਹਨ ਕਿ ਕੈਨੇਡਾ ਵੀ ਇਹ ਕਦਮ ਚੁੱਕੇਗਾ?

0
58

TLT/ ਕੋਵਿਡ 19 ਕਾਰਨ 14 ਦਿਨ੍ਹਾਂ ਦੇ ਇਕਾਂਤਵਾਸ ਨੂੰ ਹੁਣ ਸੰਯੁਕਤ ਰਾਜ ਘਟਾ ਕੇ ਸਿਰਫ 10 ਦਿਨ ਤੱਕ ਹੀ ਸੀਮਿਤ ਕਰ ਰਿਹਾ ਹੈ। ਉਥੇ ਹੀ ਹੁਣ ਸਵਾਲ ਉਠਣੇ ਵੀ ਲਾਜ਼ਮੀ ਹਨ । ਕੈਨੇਡਾ ‘ਚ ਵੀ ਲੋਕ ਸਵਾਲ ਕਰ ਰਹੇ ਹਨ ਕਿ ਕੈਨੇਡਾ ਵੀ ਇਹ ਕਦਮ ਚੁੱਕੇਗਾ?

ਹੈਲਥ ਕੈਨੇਡਾ ਅਜੇ ਵੀ ਬੁੱਧਵਾਰ ਤੱਕ 14 ਦਿਨਾਂ ਦੀ ਅਲੱਗ ਅਲੱਗ ਮਿਆਦ ਦੀ ਸਿਫਾਰਸ਼ ਕਰ ਰਿਹਾ ਸੀ। ਹੈਮਿਲਟਨ ਦੀ ਮੈਕਮਾਸਟਰ ਯੂਨੀਵਰਸਿਟੀ ਦੀ ਮਾਹਰ ਡਾ. ਜ਼ੈਨ ਚਾਗਲਾ ਦਾ ਕਹਿਣਾ ਹੈ ਕਿ ਇਸ ਸਥਿਤੀ ਨੂੰ ਅੱਧ ਵਿਚ ਘਟਾਉਣਾ ਲਾਭਦਾਇਕ ਹੋ ਸਕਦਾ ਹੈ। ਪਹਿਲਾਂ ਕਿਹਾ ਗਿਆ ਸੀ ਕਿ 14 ਦਿਨ੍ਹਾਂ ਤੱਕ ਪਤਾ ਲਗਦਾ ਹੈ ਕਿ ਕਿਸੇ ਨੂੰ ਕੋਵਿਡ 19 ਹੈ ਜਾਂ ਨਹੀਂ। ਪਰ ਹੁਣ ਨਵੇ ਅਧਿਆਨ ‘ਚ ਇਹ ਸਾਹਮਣੇ ਆ ਰਿਹਾ ਹੈ 4 ਤੋਂ 5 ਦਿਨ੍ਹਾਂ ‘ਚ ਹੀ ਕੋਵਿਡ 19 ਦੇ ਸੰਕੇਤ ਪਤਾ ਲਗ ਜਾਂਦੇ ਹਨ। ਸਵਿਟਜ਼ਰਲੈਂਡ ਅਤੇ ਜਰਮਨੀ ਨੇ ਪਹਿਲਾਂ ਹੀ ਇਕਾਂਤਵਾਸ ਦਾ ਸਮਾਂ 10 ਦਿਨ੍ਹਾਂ ਦਾ ਰਖਿਆ ਹੋਇਆ ਹੈ ਤਾਂ ਜੋ ਲੋਕਾਂ ਦਾ ਕੀਮਤੀ ਸਮਾਂ ਬਚ ਸਕੇ। ਇੰਗਲੈਂਡ ‘ਚ ਵੀ 15 ਦਸੰਬਰ ਤੋਂ ਇਕਾਂਤਵਾਸ ਦੇ ਨਿਯਮਾਂ ‘ਚ ਬਦਲਾਅ ਹੋ ਸਕਦੇ ਹਨ।

ਟੋਰਾਂਟੋ ਪੀਅਰਸਨ ਕੌਮਾਂਤਰੀ ਹਵਾਈ ਅੱਡੇ ‘ਤੇ ਲੱਗਭਗ 10 ਹਜ਼ਾਰ ਯਾਤਰੀਆਂ ‘ਤੇ ਇਕ ਅਧਿਆਨ ਕੀਤਾ ਗਿਆ ਹੈ। ਜਿਸ ‘ਚ 95 ਫੀਸਦੀ ਲੋਕਾਂ ‘ਚ ਕੋਰੋਨਾ ਵਾਇਰਸ ਦੇ ਲੱਛਣਾ ਦਾ 7 ਦਿਨ੍ਹਾਂ ‘ਚ ਪਤਾ ਲੱਗਿਆ ਹੈ।