ਕੁਲਦੀਪ ਸਿੰਘ ਲੁਬਾਣਾ ਹੋਣਗੇ ਜਲੰਧਰ ਉੱਤਰੀ ਤੋਂ ਅਕਾਲੀ-ਬਸਪਾ ਦੇ ਉਮੀਦਵਾਰ

0
145

ਜਲੰਧਰ (ਰਮੇਸ਼ ਗਾਬਾ) ਅਕਾਲੀ ਆਗੂ ਕੁਲਦੀਪ ਸਿੰਘ ਲੁਬਾਣਾ ਜਲੰਧਰ ਉੱਤਰੀ ਤੋਂ ਅਕਾਲੀ-ਬਸਪਾ ਦੇ ਸਾਂਝੇ ਉਮੀਦਵਾਰ ਹੋਣਗੇ। ਜਲੰਧਰ ਉੱਤਰੀ ਸੀਟ ਬਹੁਜਨ ਸਮਾਜ ਪਾਰਟੀ ਦੇ ਖਾਤੇ ‘ਚ ਸੀ ਪਰ ਇੱਥੋਂ ਟਿਕਟ ਅਕਾਲੀ ਆਗੂ ਨੂੰ ਦਿੱਤੀ ਗਈ ਹੈ। ਕੁਲਦੀਪ ਸਿੰਘ ਲੁਬਾਣਾ ਦੀ ਪਤਨੀ ਬਲਜਿੰਦਰ ਕੌਰ ਵਾਰਡ ਨੰ. 5 ਤੋਂ ਕੌਂਸਲਰ ਹਨ। ਚੋਣਾਂ ਵਿੱਚ ਕਈ ਕਾਂਗਰਸੀ ਆਗੂਆਂ ਦਾ ਸਮਰਥਨ ਵੀ ਮਿਲ ਸਕਦਾ ਹੈ। ਬਸਪਾ ਕੋਲ ਇੱਥੋਂ ਕੋਈ ਮਜ਼ਬੂਤ ​​ਉਮੀਦਵਾਰ ਨਹੀਂ ਸੀ, ਇਸ ਲਈ ਅਕਾਲੀ ਆਗੂ ’ਤੇ ਦਾਅ ਖੇਡਿਆ ਗਿਆ ਹੈ।

ਕਾਂਗਰਸ ਤੋਂ ਨਾਰਾਜ਼ ਚੱਲ ਰਹੇ ਕਈ ਕੌਂਸਲਰ ਤੇ ਸਾਬਕਾ ਕੌਂਸਲਰ ਲੁਬਾਣਾ ਨਾਲ ਮੀਟਿੰਗ ਕਰ ਚੁੱਕੇ ਹਨ। ਪੇਸ਼ੇ ਵਜੋਂ ਟਰਾਂਸਪੋਰਟਰ ਲੁਬਾਣਾ ਜ਼ਮੀਨੀ ਤੌਰ ‘ਤੇ ਮਜ਼ਬੂਤ ​​ਮੰਨੇ ਜਾਂਦੇ ਹਨ ਤੇ ਵਾਰਡ ਖੇਤਰ ‘ਚ ਸਰਗਰਮ ਹਨ। ਉਨ੍ਹਾਂ ਨੂੰ ਟਿਕਟ ਦੇਣ ਦਾ ਐਲਾਨ ਕਿਸੇ ਵੇਲੇ ਵੀ ਹੋ ਸਕਦਾ ਹੈ।