ਤੁਹਾਨੂੰ 8 ਕਰੋੜ ਰੁਪਏ ਦੇ ਰਿਹਾ ਹੈ ਆਰਬੀਆਈ ਬਦਲੇ ‘ਚ ਦੇਣੇ ਪੈਣਗੇ 19900 ਰੁਪਏ, ਜੇ ਤੁਹਾਡੇ ਕੋਲ ਆਈ ਹੈ ਇਸ ਤਰ੍ਹਾਂ ਦੀ ਮੇਲ ਤਾਂ ਨਾ ਖੋਲ੍ਹੋ

0
46

ਨਵੀਂ ਦਿੱਲੀ (TLT) ਸਾਈਬਰ ਠੱਗ ਅੱਜਕੱਲ੍ਹ ਬਹੁਤ ਸਰਗਰਮ ਹਨ। ਕੇਵਾਈਸੀ ਨੂੰ ਅਪਡੇਟ ਕਰਨ ਦੇ ਨਾਂ ‘ਤੇ ਕੋਈ ਲਾਟਰੀ ਨਾਲ ਸੰਬੰਧਤ ਸੰਦੇਸ਼, ਈਮੇਲ ਜਾਂ ਕਾਲ ਭੇਜ ਕੇ ਲੋਕਾਂ ਨੂੰ ਧੋਖਾ ਦੇਣ ਦੀ ਕੋਸ਼ਿਸ਼ ਕਰ ਰਿਹਾ ਹੈ। ਹੁਣ ਆਰਬੀਆਈ ਦੇ ਨਾਂ ‘ਤੇ ਲੋਕਾਂ ਨੂੰ 19900 ਰੁਪਏ ਵਸੂਲਣ ਲਈ ਮੇਲ ਭੇਜੇ ਜਾ ਰਹੇ ਹਨ। ਇਸ ਮੇਲ ‘ਚ ਦਾਅਵਾ ਕੀਤਾ ਜਾ ਰਿਹਾ ਹੈ ਕਿ 8 ਕਰੋੜ ਰੁਪਏ ਜਮ੍ਹਾਂ ਕਰਨ ਦਾ ਸਰਟੀਫਿਕੇਟ ਜਾਰੀ ਕੀਤਾ ਜਾ ਰਿਹਾ ਹੈ, ਜਿਸ ਦੇ ਬਦਲੇ ਇਹ ਰਕਮ ਪਹਿਲਾਂ ਅਦਾ ਕਰਨੀ ਪਵੇਗੀ। ਜੇ ਤੁਹਾਨੂੰ ਵੀ ਅਜਿਹੀ ਮੇਲ ਮਿਲੀ ਹੈ, ਤਾਂ ਸਾਵਧਾਨ ਰਹੋ।

ਪੀਆਈਬੀ ਨੇ ਇਸ ਦਾਅਵੇ ਨੂੰ ਫਰਜ਼ੀ ਕਰਾਰ ਦਿੱਤਾ ਹੈ। ਜਨਤਾ ਨੂੰ ਸਾਵਧਾਨ ਕਰਦੇ ਹੋਏ, ਪੀਆਈਬੀ ਨੇ ਕਿਹਾ ਹੈ ਕਿ ਆਰਬੀਆਈ ਲਾਟਰੀ ਫੰਡਾਂ ਦੀ ਇਨਾਮੀ ਰਾਸ਼ੀ ਬਾਰੇ ਕੋਈ ਈਮੇਲ ਨਹੀਂ ਭੇਜਦਾ, ਭਾਰਤ ਸਰਕਾਰ ਦੀਆਂ ਨੀਤੀਆਂ, ਪ੍ਰੋਗਰਾਮ ਪਹਿਲਕਦਮੀਆਂ ਅਤੇ ਪ੍ਰਾਪਤੀਆਂ ਬਾਰੇ ਅਖ਼ਬਾਰਾਂ ਅਤੇ ਇਲੈਕਟ੍ਰੌਨਿਕ ਮੀਡੀਆ ਨੂੰ ਜਾਣਕਾਰੀ ਦੇਣ ਵਾਲੀ ਮੋਹਰੀ ਏਜੰਸੀ ਪੀਆਈਬੀ ਨੇ ਨਾ ਸਿਰਫ ਇਸ ਦਾਅਵੇ ਨੂੰ ਨਕਾਰਿਆ ਹੈ, ਬਲਕਿ ਕੁਝ ਅਜਿਹਾ ਟਵੀਟ ਕੀਤਾ ਹੈ, ਜਿਸ ਨਾਲ ਲੋਕਾਂ ਨੂੰ ਇਸ ਬਾਰੇ ਚਿਤਾਵਨੀ ਦਿੱਤੀ ਗਈ ਹੈ।

ਅਜਿਹੀ ਕਿਸੇ ਵੀ ਗੁੰਮਰਾਹਕੁੰਨ ਖ਼ਬਰ ਬਾਰੇ ਇੱਥੇ ਸ਼ਿਕਾਇਤ ਕਰੋ

ਇਹ ਜਾਣਨ ਲਈ ਕਿ ਸਰਕਾਰ ਨਾਲ ਜੁੜੀ ਕੋਈ ਖ਼ਬਰ ਸੱਚੀ ਹੈ ਜਾਂ ਝੂਠੀ, ਪੀਆਈਬੀ ਫੈਕਟ ਚੈਕ ਦੀ ਮਦਦ ਲਈ ਜਾ ਸਕਦੀ ਹੈ। ਕੋਈ ਵੀ ਵਿਅਕਤੀ ਸਕ੍ਰੀਨਸ਼ਾਟ, ਟਵੀਟ, ਫੇਸਬੁੱਕ ਪੋਸਟ ਜਾਂ ਸ਼ੱਕੀ ਖ਼ਬਰਾਂ ਦਾ ਯੂਆਰਐਲ ਪੀਆਈਬੀ ਫੈਕਟ ਚੈੱਕ ਨੂੰ ਵਟਸਐਪ ਨੰਬਰ 918799711259 ‘ਤੇ ਭੇਜ ਸਕਦਾ ਹੈ ਜਾਂ pibfactcheck@gmail.com’ ਤੇ ਮੇਲ ਕਰ ਸਕਦਾ ਹੈ।